પીએમ મોદીએ ઈજિપ્તના સીઈઓ, ઓઈલ સ્ટ્રેટેજિસ્ટ સાથે ઊર્જા સુરક્ષા, અર્થવ્યવસ્થાને લઈ કર્યો પરામર્શ

વડા પ્રધાન નરેન્દ્ર મોદીએ ઇજિપ્તની તેમની મુલાકાત દરમિયાન અગ્રણી સીઇઓ અને તેલ વ્યૂહરચનાકારો સાથે અર્થતંત્ર, માળખાગત વિકાસ અને ઊર્જા સુરક્ષા અંગે ચર્ચા કરી હતી.

વિદેશ મંત્રાલયે એક નિવેદનમાં જણાવ્યું હતું કે, ઇજિપ્તની તેમની બે દિવસીય મુલાકાતના પ્રથમ દિવસે, મોદીએ શનિવારે કૈરોમાં હસન આલમ હોલ્ડિંગ કંપનીના સીઇઓ હસન અલ્લામ અને ઇજિપ્તના લેખક અને પેટ્રોલિયમ વ્યૂહરચનાકાર તારેક હેગી સાથે મુલાકાત કરી હતી.

વડા પ્રધાન કાર્યાલય (PMO) એ એક ટ્વિટમાં જણાવ્યું હતું કે મોદીએ “હસન અલ્લમ હોલ્ડિંગ કંપનીના સીઈઓ હસન અલ્લામ સાથે ફળદાયી બેઠક કરી હતી”. તેઓએ અર્થવ્યવસ્થાને લગતા વિષયો, માળખાકીય સુવિધાઓ અને બાંધકામ જેવા ક્ષેત્રોમાં ગાઢ સહકાર અંગે ચર્ચા કરી.

વિદેશ મંત્રાલયના જણાવ્યા અનુસાર, હસન આલમ મધ્ય પૂર્વ અને ઉત્તર આફ્રિકા ક્ષેત્રમાં કાર્યરત ઇજિપ્તની અગ્રણી કંપની છે. મંત્રાલયે જણાવ્યું હતું કે, “તેઓએ રિન્યુએબલ એનર્જી, ગ્રીન હાઇડ્રોજન, ઇન્ફ્રાસ્ટ્રક્ચર અને કન્સ્ટ્રક્શન સેક્ટરમાં ભારતીય કંપનીઓ સાથે ગાઢ સહકાર બનાવવાની શક્યતાઓ પર ચર્ચા કરી હતી.”

વડા પ્રધાન હેગીને અલગ બેઠકમાં મળ્યા હતા. પીએમઓએ ટ્વીટ કર્યું કે, “તેમની વચ્ચે વૈશ્વિક બાબતોથી સંબંધિત વિવિધ વિષયો પર સારી વાતચીત થઈ.

આ બેઠક અંગે વિદેશ મંત્રાલયે કહ્યું કે, “બંનેએ વૈશ્વિક ભૂરાજનીતિ, ઉર્જા સુરક્ષા, કટ્ટરવાદ અને લિંગ સમાનતા સંબંધિત મુદ્દાઓ પર ચર્ચા કરી.”