ગુજરાતમાં સીંગતેલના ભાવમાં ભડકોઃ સીંગતેલના 15 કિલો ડબ્બાનો ભાવ રૃપિયા 2700 થી 2800

હાલ ગરીબ અને મધ્યમ વર્ગની મુશ્કેલીમાં વધારો થયો છે. ફરી સીંગતેલના ભાવમાં રૂપિયા 30નો વધારો થતાં ડબ્બો 2700 થી 2800 રૂપિયે પહોંચ્યો છે. આથી મધ્યમ અને ગરીબ વર્ગના લોકોને સીંગતેલ ખાવું મુશ્કેલ બન્યું છે.

દિવાળી બાદ સીંગતેલના ભાવમાં વધારો થતાં ગૃહિણીઓ માટે કિચનનું બજેટ ખોરવાયું છે. સતત વધી રહેલી મોંઘવારી સામે ઝઝૂમી રહેલા સામાન્ય લોકો માટે આવનાર સમયમાં તેલનું ટીપુંય દોહ્યું થઈ જાય તો નવાઈ પામવા જેવું રહેશે નહીં. તેલિયારાજાઓ બેફામપણે ગમે ત્યારે નજીવી રીતે ભાવ ઘટાડે છે અને તોતીંગ રીતે ભાવવધારો કરતા રહે છે.