પાકિસ્તાનમાં આત્મઘાતી આતંકી હુમલો, 9 જવાનો માર્યા ગયા, તેહરીકે તાલિબાને હૂમલાની જવાબદારી સ્વીકારી

પાકિસ્તાન લાંબા સમયથી આતંકવાદને આશ્રય આપનાર દેશ તરીકે ઓળખાય છે. દુનિયાભરમાં અનેક સ્થળોએ આતંકવાદી હુમલાઓનું કાવતરું પાકિસ્તાનમાં જ ઘડવામાં આવ્યું છે. પરંતુ લાંબા સમયથી વિશ્વના અનેક દેશોમાં આતંકવાદી ગતિવિધિઓને અંજામ આપનાર પાકિસ્તાન પણ હવે આતંકવાદથી અછૂતું નથી. છેલ્લા કેટલાક વર્ષોમાં પાકિસ્તાનમાં આતંકવાદી હુમલામાં વધારો થયો છે. પાકિસ્તાનમાં સમયાંતરે આતંકવાદી હુમલાના કિસ્સાઓ જોવા મળે છે. તાજેતરમાં જ પાકિસ્તાનમાં ફરી એકવાર આતંકી હુમલાનો મામલો સામે આવ્યો છે. આ હુમલો આત્મઘાતી બોમ્બ વિસ્ફોટના રૂપમાં થયો હતો.

ખૈબર પખ્તુનખ્વામાં સેનાના કાફલા પર આત્મઘાતી હુમલો

પાકિસ્તાનના ખૈબર પખ્તુનખ્વા પ્રાંતના બન્નુ જિલ્લામાં ગુરુવારે આતંકવાદી હુમલાનો મામલો સામે આવ્યો છે. આ હુમલો સેનાના કાફલા પર થયો હતો. અહેવાલ મુજબ, એક મોટરસાઇકલ પર સવાર એક આત્મઘાતી બોમ્બર, જેણે તેના શરીર સાથે બોમ્બ લગાવ્યો હતો, તેણે પાકિસ્તાની સેનાના કાફલાને નિશાન બનાવ્યું અને મોટરસાઇકલ સાથે સેનાના કાફલાના વાહનને ટક્કર મારી, જેનાથી જોરદાર બોમ્બ વિસ્ફોટ થયો.

નવ જવાનો માર્યા ગયા

ખૈબર પખ્તુનખ્વા પ્રાંતના બન્નુ જિલ્લામાં પાકિસ્તાની સેનાના કાફલા પર થયેલા આ આત્મઘાતી આતંકવાદી હુમલામાં નવ સૈનિકો માર્યા ગયા હતા. આ બોમ્બ વિસ્ફોટમાં ઘણા સૈનિકો પણ ઘાયલ થયા હતા અને તેમને નજીકની હોસ્પિટલમાં લઈ જવામાં આવ્યા હતા. આ બોમ્બ વિસ્ફોટમાં આત્મઘાતી બોમ્બર પણ માર્યો ગયો હતો.

આત્મઘાતી હુમલો કોણે કર્યો?

મળતી માહિતી અનુસાર, પાકિસ્તાનમાં કાર્યરત આતંકી સંગઠન તહરીક-એ-તાલિબાન પાકિસ્તાન (TTP)એ ખૈબર પખ્તુનખ્વા પ્રાંતના બન્નૂ જિલ્લામાં પાકિસ્તાની સેનાના કાફલા પર આત્મઘાતી આતંકી હુમલાની જવાબદારી લીધી છે.