બાઈડેન પ્રશાસને કોર્ટને 26/11ના આરોપી તહવ્વુર રાણાને ભારતને સોંપવા સામેની અરજી ફગાવી દેવા જણાવ્યું

જો બાઈડેન વહીવટીતંત્રે કેલિફોર્નિયાની કોર્ટને પાકિસ્તાની મૂળના કેનેડિયન ઉદ્યોગપતિ તહવ્વુર રાણા દ્વારા દાખલ કરાયેલી હેબિયસ કોર્પસની રિટને નકારી કાઢવા વિનંતી કરી છે અને પુનરોચ્ચાર કર્યો છે કે તેને ભારતમાં પ્રત્યાર્પણ કરવામાં આવે જ્યાં તે 2008ના મુંબઈ આતંકવાદી હુમલામાં તેની સંડોવણી માટે વોન્ટેડ છે.

મે મહિનામાં અમેરિકાની એક કોર્ટે 62 વર્ષીય તહવ્વુર રાણાના ભારત પ્રત્યાર્પણને મંજૂરી આપી હતી. રાણા હાલમાં લોસ એન્જલસના મેટ્રોપોલિટન ડિટેન્શન સેન્ટરમાં અટકાયતમાં છે.

10 જૂન, 2020 ના રોજ ભારતે પ્રત્યાર્પણના દૃષ્ટિકોણથી રાણાની તપાસ માટે ધરપકડની માંગ કરી હતી. બાઈડેન પ્રશાસને રાણાના ભારતમાં પ્રત્યાર્પણને સમર્થન અને મંજૂરી આપી હતી.

કેલિફોર્નિયાના સેન્ટ્રલ ડિસ્ટ્રિક્ટ માટે યુએસ ડિસ્ટ્રિક્ટ કોર્ટ સમક્ષ દાખલ કરવામાં આવેલી તેની અરજીમાં, કેલિફોર્નિયાના સેન્ટ્રલ ડિસ્ટ્રિક્ટ માટે યુએસ એટર્ની ઇ માર્ટિન એસ્ટ્રાડાએ જણાવ્યું હતું કે, “યુનાઇટેડ સ્ટેટ્સ આદરપૂર્વક વિનંતી કરે છે કે અદાલત હેબિયસ કોર્પસની રિટ માટે રાણાની અરજીને નકારે.”

રાણાની અરજીનો વિરોધ કરતા એસ્ટ્રાડાએ કહ્યું કે અરજદાર એ દર્શાવવામાં અસમર્થ છે કે ભારતની પ્રત્યાર્પણની વિનંતીમાં સંભવિત કારણના પૂરતા પુરાવા નથી.

તહવ્વુર રાણા વિરુદ્વ 26/11નાં હૂમલામાં ભારતમાં ફરિયાદ દાખલ કરવામાં આવી હતી. આ હૂમલાને  આતંકી કૃત્ય જાહેર કરવામાં આવ્યું હતું. ભારત દ્વારા રાણાના પ્રત્યાર્પણ માટે સતત કાયદીય અને અધિકારિક સ્તરનાં પ્રયાસો કરવામાં આવી રહ્યા છે. અમેરિકાની અદાલતને રાણીની અરજી નકારી કાઢવા બાઈડેન પ્રશાસને જણાવ્યા બાદ ભારત માટે રાણાના પ્રત્યાર્પણના રસ્તાઓ ખૂલી રહ્યા છે.