હમાસ દ્વારા 5000 રોકેટ છોડાયા, ઈઝરાયેલ-પેલેસ્ટાઈન યુદ્ધમાં અત્યાર સુધીમાં 200થી વધુ લોકોના મોત

ગાઝા પટ્ટી પર નિયંત્રણ ધરાવતા આતંકવાદી સંગઠન હમાસે ઈઝરાયેલ પર અત્યાર સુધીનો સૌથી મોટો હુમલો કર્યો છે. કહેવામાં આવી રહ્યું છે કે હમાસ દ્વારા ઈઝરાયેલ પર 5000 થી વધુ રોકેટ છોડવામાં આવ્યા છે. હુમલામાં ઈઝરાયેલના ઘણા રહેણાંક વિસ્તારોને નિશાન બનાવવામાં આવ્યા હતા. આ હુમલાઓમાં અત્યાર સુધીમાં 40 લોકોના મોત અને 500થી વધુ લોકો ઘાયલ થયા હોવાની માહિતી સામે આવી છે. આ પછી ઈઝરાયેલના વડાપ્રધાન બેન્જામિન નેતન્યાહુએ ‘યુદ્ધ’ની જાહેરાત કરી અને કહ્યું કે તેમનો દેશ તેના દુશ્મન પાસેથી ‘અભૂતપૂર્વ કિંમત’ લેશે. તે જ સમયે, ઇઝરાયેલના સંરક્ષણ પ્રધાને એક નિવેદન જારી કરીને કહ્યું કે હમાસે ઇઝરાયેલ વિરુદ્ધ યુદ્ધ શરૂ કર્યું છે અને તેમાં ઇઝરાયેલ જીતશે. આ હુમલો છેલ્લા કેટલાક વર્ષોમાં ઈઝરાયેલના વિસ્તારમાં સૌથી ઘાતક હુમલો બની ગયો છે.

ગાઝાના સ્વાસ્થ્ય અધિકારીઓના જણાવ્યા અનુસાર, સ્થાનિક મીડિયાના અહેવાલોમાં લખવામાં આવ્યું છે કે હમાસ દ્વારા કરવામાં આવેલા હુમલાના જવાબમાં ઈઝરાયેલે ગાઝામાં હવાઈ હુમલા કર્યા હતા. આ હુમલાઓમાં લગભગ 200 પેલેસ્ટિનિયન માર્યા ગયા હતા, જ્યારે 1600થી વધુ ઘાયલ થયા હતા.

ઇઝરાયેલના સંરક્ષણ પ્રધાનના કાર્યાલયમાંથી જારી કરાયેલા નિવેદન અનુસાર, સંરક્ષણ પ્રધાન યોવ ગાલાન્ટે IDFની જરૂરિયાતો અનુસાર અનામત સૈનિકોના ડ્રાફ્ટને મંજૂરી આપી છે. ઇઝરાયેલ ડિફેન્સ ફોર્સિસ (IDF) એ એક નિવેદનમાં જણાવ્યું હતું કે ચીફ ઓફ સ્ટાફ લેફ્ટનન્ટ જનરલ હરઝી હલેવી પરિસ્થિતિનું મૂલ્યાંકન કરી રહ્યા છે અને એક્શન પ્લાનને મંજૂરી આપી રહ્યા છે.

“આઈડીએફ યુદ્ધ માટે તૈયારીની ઘોષણા કરે છે. હમાસ… જે આ હુમલા પાછળ છે, તે ઘટનાના પરિણામો માટે જવાબદાર રહેશે,” ઇઝરાયેલી સૈન્ય નિવેદનમાં કહેવામાં આવ્યું છે.

“અમે દુશ્મનને ચેતવણી આપી છે કે અલ-અક્સા મસ્જિદ સામે તેનું આક્રમણ ચાલુ ન રાખે,” હમાસની લશ્કરી પાંખના વડા મોહમ્મદ ડેઇફે એક નિવેદનમાં જણાવ્યું હતું, સ્થાનિક મીડિયા અહેવાલો અનુસાર. ઇઝરાયેલી સેનાએ ગાઝા પટ્ટીની નજીકના શહેરોના રહેવાસીઓને તેમના ઘરોમાં રહેવા અને બાકીના લોકોને બોમ્બ આશ્રયસ્થાનોની નજીક રહેવા સૂચનાઓ જારી કરી છે.