ભારતની જેમ તુર્કીની સંસદ પર આતંકવાદી હુમલો, આત્મઘાતી હુમલામાં આતંકવાદી માર્યો ગયો

તુર્કીની સંસદ પર આતંકવાદી હુમલો થયો હતો, જેમાં બે પોલીસકર્મી ઘાયલ થયા હોવાના અહેવાલ છે. જ્યારે બે આતંકવાદીઓ માર્યા ગયા છે. આ આતંકવાદી વિસ્ફોટ એવા સમયે કરવામાં આવ્યો હતો જ્યારે સંસદના નવા સત્રની કાર્યવાહી શરૂ થવાની હતી. તુર્કીના ગૃહ મંત્રાલયે આ હુમલાની પુષ્ટિ કરી છે. તુર્કીના ગૃહમંત્રી અલી યેર્લિકાયાએ તુર્કીના મીડિયાને જણાવ્યું કે, બે હુમલાખોરો સવારે સાડા નવ વાગ્યે કોમર્શિયલ વાહનમાં આવ્યા હતા અને અમારા ગૃહ મંત્રાલયના જનરલ ડિરેક્ટોરેટ ઓફ સિક્યુરિટીના એન્ટ્રી ગેટની સામે આવ્યા હતા અને બોમ્બ હુમલો કર્યો હતો. આ મુજબ, અંકારાના જે વિસ્તારમાં આતંકવાદી હુમલો થયો હતો ત્યાં મંત્રાલયની ઓફિસ અને સંસદ ભવન છે.તુર્કીના રાષ્ટ્રપતિ રજબ તૈયબ અર્દોગન આજે સંસદને સંબોધવાના હતા.

બે પોલીસકર્મી ઘાયલ થયા 

સોશિયલ મીડિયા પર એક પોસ્ટમાં માહિતી આપતા મંત્રાલયે કહ્યું કે, “એક આતંકીએ પોતાની જાતને ઉડાવી દીધી અને બીજો માર્યો ગયો.” આ હુમલામાં બે સુરક્ષા જવાનોને સામાન્ય ઈજા થઈ હતી. બ્લાસ્ટનું કારણ હજુ સુધી જાણી શકાયું નથી, તપાસ ચાલુ છે.

બે આતંકવાદીઓ માર્યા ગયા

તમને જણાવી દઈએ કે આ હુમલામાં બે આતંકવાદીઓ માર્યા ગયાના સમાચાર છે. આમાંથી એક બોમ્બ સાથે ઉડી ગયો. જ્યારે અન્ય એકને સુરક્ષા જવાનોએ માર્યો હતો.