શનિવારે રાત્રે કેનેડામાં એક મંદિરમાં કથિત રીતે ખાલિસ્તાની સમર્થકો દ્વારા તોડફોડ કરવામાં આવી હતી, જેનાથી ભારતીય સમુદાયમાં આક્રોશ ફેલાયો હતો. અધિકારીઓએ
શનિવારે રાત્રે કેનેડામાં એક મંદિરમાં કથિત રીતે ખાલિસ્તાની સમર્થકો દ્વારા તોડફોડ કરવામાં આવી હતી, જેનાથી ભારતીય સમુદાયમાં આક્રોશ ફેલાયો હતો. અધિકારીઓએ જણાવ્યું હતું કે બ્રિટિશ કોલંબિયાના સૌથી જૂના મંદિરોમાંના એક સરેના લક્ષ્મી નારાયણ મંદિરની દિવાલો અને દરવાજા પર “ભારત વિરોધી” પોસ્ટરો ચોંટાડવામાં આવ્યા હતા.
પોસ્ટરોએ કેનેડાને ખાલિસ્તાની આતંકવાદી હરદીપ સિંહ નિજ્જરના 18 જૂનના મૃત્યુમાં ભારતની “ભૂમિકા” ની તપાસ કરવા હાકલ કરી હતી.
ખાલિસ્તાનીઓની આ આખી કૃત્ય સીસીટીવી કેમેરામાં કેદ થઈ ગઈ હતી. સીસીટીવી ફૂટેજમાં બે માસ્ક પહેરેલા શખ્સો મંદિરની દિવાલો અને દરવાજા પર પોસ્ટર ચોંટાડતા જોવા મળે છે.
તમને જણાવી દઈએ કે, ખાલિસ્તાન ટાઈગર ફોર્સ અને શીખ ફોર જસ્ટિસ (SFJ) ની કેનેડિયન શાખાનું નેતૃત્વ કરનાર નિયુક્ત આતંકવાદી હરદીપ સિંહ નિજ્જરને આ વર્ષે જૂનમાં અજાણ્યા હુમલાખોરોએ ઠાર માર્યા હતા.
કેનેડામાં આ વર્ષે મંદિરમાં તોડફોડની આ ચોથી ઘટના છે. એપ્રિલમાં ઓન્ટેરિયોમાં સ્વામિનારાયણ મંદિરમાં તોડફોડ કરવામાં આવી હતી. ફેબ્રુઆરીમાં કેનેડાના મિસિસોગામાં રામ મંદિર પર હુમલો થયો હતો.ભારતે કેનેડામાં ખાલિસ્તાન સમર્થકોની વધતી ગતિવિધિઓ પર ચિંતા વ્યક્ત કરી છે.
COMMENTS